Сулекин Мырзаш Сулекеевич 1955 жылы 10 қаңтарда Науырзым ауданы Қожа ауылында дүниеге келген. 1962 жылы Мереке орта мектебінің табалдырығын аттап 1972 жылы тәмәмдаған. 1973-1975 жылдары Алтай өңірінде әскер қатарында болып азаматтық борышын өтеген.

Жамбыл орта мектебінде 1979-1983 жылдары еңбек пәннің оқытушысы болып қызмет атқарған. 1983-1985 жылдары Қарағанды облысы Саран қаласы Абай атындағы педагогикалық училищесінде оқыған. Дакучаев орта мектебінде 1985-1988 жылдары мұғалім болып еңбек етті. 1988-1993 жылдары аудандық оқу бөлімінде инспекторлық қызмет атқарған. 1993-2001 жылдары Науырзым аудандық әкімшілікте ұйымдастыру кадр бөлімінде бас маман болып жұмыс атқарған. 2001 жылдан бастап Науырзым мемлекеттік табиғи қорығында, әуелі қорғау инженері, содан кейін мемлекеттік инспектор болып қызмет жасаған. 2018 жылы Науырзым мемлекеттік табиғи қорығынан зейнеткерлік демалысқа шықты. Мырзаш Сулекеевич 4 баланың әкесі, 10 немересінің ардақты атасы.