Осындай игі бастамалардың жалғасы ретінде қаламыздағы Қостанай әлеуметтік-техникалық колледжі базасында тағылымды іс-шара ұйымдастырылды.

✅Табиғатты аялау мәдениетін қалыптастыруға, жастардың экологиялық санасын арттыруға бағытталған науқанға жастар белсене қатысты.

Іс-шара барысында колледж аумағында және балабақша аумағында көшет ағаштары отырғызылып, көгалдандыру жұмыстары жүргізілді. Қатысушылар табиғатты қорғау — әр азаматтың ортақ міндеті екенін атап өтіп, экологиялық мәдениетті қалыптастырудың маңыздылығына тоқталды.

Мұндай шаралар жастарды табиғатқа жанашырлықпен қарауға тәрбиелеп, туған өлкенің табиғи байлығын сақтауға үлес қосуға үндейді