Науырзым мемлекеттік табиғи қорығы экология ағарту бөлімінің мамандары «Парктер шеруі- 2023» Халықаралық табиғат қорғау акция аясында, Қостанай қаласы  Ыбырай Алтынсарин атындағы мамандандырылған  мектеп-гимназия-интернаты оқушыларымен кездесті.

Оқушылармен дәріс сұрақ-жауап форматында өтті. Белсенді оқушыларға қорық эмблемасы бар футболка мен кепкалар сыйға тартылды.

Экология ағартушылары мектеп оқушыларына ағаш отырғызу әдісін түсіндіріп, мектеп-гимназия ауласына көшеттер отырғызылды.  Іс шараның мақсаты: оқушылардың санасына қоршаған ортаға, туған өлке табиғатына деген сүйіспеншілікті арттыру. Туған жерді , қоршаған ортаны сүюге, қорғай білуге тәрбиелеу.